Auf der FWG-Generalversammlung 2022 wurde anlässlich des 30-jährigen Bestehens der Frankenfelser Fernwärmeversorgung ein Gedicht vorgetragen, welches bereits 1992 von Johann Neubauer verfasst wurde. Die Rede ist von umwelt- und energiepolitischen Überlegungen, vom damaligen Bau des Heizwerks samt aller Herausforderungen, aber auch von so mancher Kritik daran, die laut (und dann nach und nach sanfter) wurde. Es ist jedenfalls stellenweise immer noch erstaunlich aktuell, lesen Sie selbst:
D’Hockschnitzelheizung
von Johann Neubauer (26. Oktober 1992)
A jeda Österreicher soll umwöltbewust lebn
Und grod ban Hoazn tat s a wos gebn,
wos d Umwölt gonz besonders schont
Des wa a Hockschnitzlhoazung, hot ma betont
D Autofoahrer san de Hauptsündenböck
Für de schlechte Luft und den vüln Dreck
De Flugzeig san jo so guat filtriert,
dass gonz gwiß nix Schlechts obaflieagt.
So schofft si holt in Fronkaföls monch umwöltbewußter Monn
a an Onschluss an die neiche Heizung on.
Da Kloane hot jo e a weng a Göd auf D Seitn glegt
Dafür nimmt ma eahm an Teil va de Zinsn weg.
Oba irgendwia wird’s scho weitageh
De Zeit bleibt a ba uns net steh.
Jetzt, noch mehr ols an holbn Joahr,
is d Luft scho reiner ols es vorher woar.
Während da Bauzeit woars scho oft zum Narrischwerdn
Der Dreck, da Staub und da Lärm.
Oft homs a Goartnmäuerl demuliert,
d Wosserleitung ogrissen und ruiniert.
Donn woar wieda long koa Strom,
kaputt woar a oft des Telefon
Ma hot holt mit gonz große Maschinen recht modern baut,
und do wird monches gmocht und a vül zsammghaut.
Jetzt is s in moncher Wohnung scho recht Hockschnitzelwoarm.
Ondere sogn, se wan in de letztn Tog fost dafrorn.
Ba vül hot da Anschluss net gstimmt,
so, das s Wossa vakehrt durchn Mischa rinnt.
Oa hom scho in Zähler montiert,
wo de Wärme, de ins Haus einigeht, gmessn wird.
Stott´n Ausland hülft uns jetzt da heimische Wold,
übern Winter, wonns is recht kolt.
Ma kennt , dass de Kritiker a scho weniger wern,
Monchmol konn mas schon nu schimpfa hern.
Wias jetzt weitageht werdn ma jo sehn.
Mia kennan jo später wieder amol drüber redn.
I hob in mein Bericht nix übatriebn,
bi oba a neamt wos schuldi bliebn.
I woar dagegn, hörts wos i jetzt sog:
Bin recht froh, dass i a mitgmocht hob.
